અમે જો આવશું તો પણ કલમ-કાગળ પહેરીને.
પરોઢે સૂર્યના હોવા સમય બોલાવ તું કાયમ,
પછી કઈ રીતથી આવી શકું ઝાકળ પહેરીને?
સમયને પ્હેરવો સ્હેલો નથી, પણ આદતોનું શું?
અમે જો જીવશું તો જીવશું સૌ પળ પહેરીને.
વહેવું એટલે શું, અર્થ સમજાયો હવે થોડો,
યુગોથી તું જ મારામાં વહે છે જળ પહેરીને.
ખબર પણ ના પડે એ રીતથી ધીમે રહીને હું,
પ્રવેશી જાઉં તારી આંખમાં કાજળ પહેરીને.
~ અનિલ ચાવડા
આ કવિતાનું પઠન પણ સાંભળોઃ
ટિપ્પણીઓ નથી:
ટિપ્પણી પોસ્ટ કરો